Фантастичен финиш за прва победа на Лестер од почетокот на јануари

Лестер на Брендан Роџерс ја прекина лошата серија од пет меча без победа во Премиерлигата, откако со два гола во финишот на мечот славеа кај Барнли во заостанат меч од англиската лига.

Кога се веруваше дека Барнли успеа да извлече уште ден бод против силен противник, Џејмс Медисон во 82. минута од мечот ги донесе „лисиците“ во водство, пред Џејми Варди да ја потврди победата во 90. минута од мечот.

Лестер се само 12. во Премиерлигата со 30 поени, далеку од место кое води во Европа, додека Барнли остануваат во зоната за испаѓање на 18. место со 21 поен, еден помалку од 17-пласираниот Евертон.