Феенорд стигна до драматична 3:2 победа на гости на „Амстердам арената“ против Ајакс за да направат голем чекор кон титулата во холандската Ередивизие во уште еден возбудлив „Дер класикер“. Со победата, клубот од Феенорд се одвои на шест поени пред Ајакс на врвот на табелата.
Мексиканецот Сантијаго Хименез го донесе Феенорд во водство по само четири минути игра, но Ајакс успеа да направи пресврт до крајот на полувремето со головите на Едсон Алварез во 17. минута и на капитенот Душан Тадиќ во 37. минута. Полјакот Себастијан Шимански израмни во 52. минута, пред дефанзивецот Лутшарел Гертрујда во 86. минута да го замолчи преполниот стадион.