Фудбалската федерација на Македонија (ФФМ) донираше спортска опрема за развој на младинскиот клуб во македонските клубови.
Петнаесет клубови од македонија (Вардар, Шкендија, Работнички, Ренова, Пелистер, Академија Пандев, Победа, Шкупи, Македонија Ѓ.П. Њу Старс, Белесица, Гостивар, Брегалница, Силекс и Дарданет) примија донација на спортска опрема и реквизити во „Куќа на фудбалот“ од претседателот на ФФМ, Илчо Ѓорѓиоски.
Од средствата од Шампионската лига, исто така се подмируваат трошоците за службените лица во сите младинските натпреварувања на ФФМ и се плаќа месечен надоместок за секој координатор на младинските категории во клубовите.
„Имајќи ја предвид нашата постојана заложба за развој на младинскиот фудбал согласно Стратешкиот план на Федерацијата, а истовремено и одличните резултати на младите национални селекции и се поголемата популарност на фудбалот кај младите и овој пат во договор со клубовите одлучивме да донираме опрема и реквзити за тие категории. Сигурни сме дека за клубовите ќе биде од голема помош. Грижата за младите фудбалери е основа за светла перспектива на секоја екипа“, истакна Филип Поповски, генерален секретар на ФФМ.
Фото: ФФМ