Фиорентина стигна до тешко извојувана 1:0 победа над Сампдорија во осминафиналето на Копа Италија, за да обезбеди дуел со Торино, кои вчера го шокираа Милан на „Сан Сиро“.
Виола дојде во водство во 25. минута од мечот преку чешкиот репрезентативец Антонин Барак, кој постигна убав гол со волеј удар, а домаќините постигнаа и уште еден гол во првото полувреме во 38. минута, но голот на Лука Јовиќ беше поништен поради офсајд.
Гостите не успеаја да упатат ниту еден удар на голот на Фиорентина во 90 минути игра и вторпат губат од клубот од Фиренца, по поразот во Серија А.