Галатасарај се сериозно заинтересирани за српскиот напаѓач на Фиорентина, Лука Јовиќ, со понуда од 8 милиони евра, од кои половина би легнале на сметката на Реал Мадрид, јавува „Кориере дело спорт“.
Јовиќ пристигна во Фиренца пред една година во необичен договор со Реал Мадрид, со кој трансферот беше бесплатен, но Реал Мадрид би добиле 50 отсто од следната продажба. „Кралевите“ дадоа 63 милиони евра да го купат Јовиќ од Ајнтрахт Франкфурт во 2019 година, но тој целосно потфрли на „Сантијаго Бернабеу“, каде што навивачите го прогласија за најлошото засилување на клубот по Еден Азар.
Јовиќ имаше солидна сезона со Виола, постигнувајќи 13 гола и 5 асистенции во 50 меча, во сезона во која стигнаа до финалињата на Копа Италија и Конференциската лига на УЕФА.
Галата му нуди тригодишен договор на Јовиќ со годишна плата од 3 милиони евра.
Calciomercato Fiorentina: il Galatasaray fa sul serio per Jovic https://t.co/3zCOdWmBUY
— CalcioNews24.com (@CalcioNews24) June 25, 2023