Пеп Гвардиола вели дека нема шанси Манчестер сити да го земат Килијан Мбапе од Пари Сен-Жермен и покрај шпекулациите во последно време кои велеа дека англискиот шампион е подготвен да плати дури 200 милиони фунти за тинејџерската сензација.
Сити веќе двапати се обидоа да потпишат договор со Мбапе – прво Монако ги одби летото 2016 кога Мбапе беше релативно непознат фудбалер, а потоа во 2017, Пари Сен-Жермен дадоа подобра понуда.
Гвардиола пред мечот од ЛШ против Хофенхајм вели дека нема вистина во новите шпекулации.
„Тоа нема да се случи. Понекогаш не сфаќам откаде доаѓаат тие вести. Манчестер сити нема да ги потрошат парите кои Мбапе ги заслужува, а ПСЖ нема да го продаде таков играч на друг клуб на светот, тоа е сигурно. Тоа нема да се случи. Луѓето треба малку да покажат почит кон ПСЖ, кон Манчестер сити и кон нашите фудбалери“, вели Гвардиола.