Пеп Гвардиола смета дека напорниот зимски распоред за играчите во Премиер лигата е катастрофа за фудбалерите, откако неговите Манчестер сити ги загубија Габриел Жесус и Кевин де Бројне поради повреди.
Сити денеска го пречекуваат Ватфорд, откако загубија поени само вторпат оваа сезона по 0:0 ремито со Кристал Палас. На тој меч, Жесус го повреди коленото и може да паузира до два месеци, додека за Де Бројне уште се чека дефинитивната оценка на лекарите.
И покрај ова, Сити мора да се подготви за 10-тиот меч во последните 30 дена, иако имаат 14 поени предност пред Челси.
„Ако ме прашувате дали технички, физички ова е добро за играчите, тогаш јасно е дека не е. Ова е катастрофа. Прашајте ја федерацијата. Ова е традиција и морам да се навикнам. Минатата сезона игравме на ‘Енфилд’ и загубивме, два дена подоцна игравме дома против Барнли и 65 минути игравме 10 против 11 играчи. Тоа е што е. Но, лигата е лига. Одлучуваат дека ќе играме на Божиќ и мораме да го послушаме тоа. Некогаш имаме еден ден, некогаш три дена за опоравување. Дали мислам дека ќе ги натераме да сменат нешто? Нема шанси“, вели Гвардиола.
“A disaster.”
Man City boss Pep Guardiola says the Premier League fixture list is not good for the players. ? pic.twitter.com/LFWkfDil44
— Goal (@goal) January 2, 2018