Новите англиски шампиони Манчестер сити не успеаја да го совладаат тимот на Хадерсфилд, одигрувајќи 0:0, за гостите да освојат поен кој може да биде клучен во борбата за опстанок.
Последните кола во Премиер лигата, како и секогаш, носат многу неизвесни натпревари, каде што поените се екстра важни, посебно за клубовите кои се борат за опстанок.
Хадерсфилд со „нулата“ на „Етихад“, има 36 поени на 16. место во Премиер лигата, три повеќе од Саутемптон и Свонси, со уште два натпревари за играње. Еден од овие три тима најверојатно следната сезона ќе биде во Чемпионшип.
Тимот на Пеп Гвардиола пак, тешко да најде мотивација во последните кола, откако титулата од Премиер лигата е одамна обезбедена.
Фото: ЕПА