Норвешкиот талент Јенс Петер Хауге најверојатно ќе замине од Милан по само една сезона, откако „росонерите“ сериозно ја разгледуваат понудата на Ајнтрахт Франкфурт.
21-годишното крило пристигна во Милано од Бодо/Глимт минатиот октомври откако го импресионираше Паоло Малдини во мечевите од Лига Европа, но според „Калчомеркато“, тренерот Стефано Пиоли не е убеден во неговиот талент и покрај тоа што тој играше во 24 натпревари минатата сезона и постигна пет гола.
Ајнтрахт се прв фаворит за неговиот потпис пред Волфсбург, и се подготвени да платат 8 милиони евра веднаш и уште 4 милиони евра во бонуси, додека Милан очекува барем 14 милиони евра.