Голот на Антонио Карачиоло беше доволен за Хелас да стигне до 1:0 победа над Киева во дербито на Верона со кое си ги зголемија шансите за опстанок во Серија А.
Дефанзивецот беше најснаодлив по асистенцијата од Даниеле Верде од корнер за да го совлада голманот. Хелас Верона играше без својот најдобар стрелец Моисе Кин и без крилото Ромуло, но тимот на Фабио Пекија успеа да стигне до втората победа во низа и до славје на „Бентегоди“.
Со трите поени, Верона уште е во зоната за испаѓање, но сега е на 18. место со 22 поени, само бод помалку од СПАЛ, додека Киево е на 15. место со 25 поени по двата порази во низа.
Фото: ЕПА