Големо внимание вчера предизвика објават на Милан дека потпишале договор со Златан Ибрахимовиќ. Поранешниот шведски репрезентативец до крајот на сезоната ќе игра за Милан, а постои можност договорот да му биде продолжен за уште една година.
Враќањето на Ибрахимовиќ во Милан го коментирал легендарниот тренер Фабио Капело.
„Ибрахимовиќ е добро засилување за Милан. Тој е играч со карактер и која не сака само да биде дел од играта туку сака да победи. Тоа ќе биде дополнителна мотивација за останатите играчи на Милан“, рекол Капело и дополнил.
„Јасно е дека не играл неколку месеци и дека ќе му треба време да влезе во форма, но тој има повеќе квалитет од секој играч на Милан. тоа е вистина верувам дека и тие го знаат тоа. “