Интер и Бреша се договориле околу трансферот на талентираниот Сандро Тонали. Претседателот на Бреша Масимо Челино успеал да ја добие посакуваната сума за фудбалерот кој во своите редови го сакаа Милан и Јувентус.
Италијанските медиуми тврдат дека Тонали најпрвин ќе му биде позајмен на Интер, а клубот од „Џузепе Меаца“ по завршувањето на сезоната ќе има обврска да го оркупи неговиот договор.
Интер за трансферот ќе издвои фиксни 30 милиони евра, а преостанатите пет милиони евра Бреша ќе може да ги заработи доколку бидат исполнети бонусите кои ќе бидат вметнати во договорот.