Кристијано Роналдо ќе добие „дозвола“ да си замине од Манчестер јунајтед во јануари, бидејќи газдите на клубот сакаат да „го заддржат високиот морал“ и да го засилат авторитетот на менаџерот Ерик Тен Хаг, тврди британскиот „Скај спортс“.
Португалскиот ветеран сакаше да си замине од „Олд Трафорд“ во текот на летниот преоден рок, но клубот инсистираше дека тој не е на продажба. Оттогаш, 37-годишниот Роналдо направи повеќе проблеми во стабилноста на тимот, беше казнет за предвремено заминување од еден меч, и беше критикуван поради слабата форма.
Според „Скај спортс“, првиот клуб на Португалецот, Спортинг Лисабон е можна опција за трансфер, додека Јунајтед би се обиделе да се засилат во нападот со Ерик-Максим Чупо-Мотинг од Баерн Минхен.