Поранешниот освојувач на „Златната топка“, бразилскиот „магионичар“ Кака официјално потврди дека се повлекува од фудбалот.
Кака, кој беше слободен агент по истекот на договорот со Орландо сити во МЛС лигата, ја објави одлуката преку Твитер.
„Татко, беше повеќе отколку што можев да замислам. Благодарам! Сега сум подготвен за следниот пат. Во името на Исус. Амин“, напиша Кака.
Father,
It was much more than I could ever imagined. Thank you! I’m now ready for the next journey. In Jesus name. Amem.Pai,
Foi muito mais do que eu pedi ou imaginei!Obrigado! Eis-me aqui para próxima jornada. Em nome de Jesus. Amém. pic.twitter.com/PofZBAV0BE— Kaka (@KAKA) December 17, 2017
Иако се споменуваше емоционален кам-бек во Милан како играч или како член на управата на тимот, играчот од средниот ред чија кариера беше одбележана со низа повреди, реши да се повлече.
Тој не даде најава за следните чекори во кариерата, но италијанските медиуми подолго време тврдат дека ќе има место во Милан, клубот за кој имаше 270 настапи и каде што ја освои „Златната топка“ во 2007 по победата во Лигата на шампионите.
Кака кратко беше најскапиот играч на светот кога Реал Мадрид плати 67 милиони евра за него, но потоа веднаш го ангажираше и поскапиот Кристијано Роналдо. „Авантурата“ во Реал не успеа, и тој се врати во Милан, пред да потпише за Орландо сити.