Легендарниот италијански тренер, Фабио Капело, бил импресиониран од изданието на Барселона против Јувентус. Барса, во второто коло во Лигата на шампионите, победи на теренот на Јувентус со 2:0.
Капело не можел да разбере како е можно меѓу овие два тима да пости толку голема разлика во квалитетот.
„Вчудоневиден сум колкава е разликата помеѓу еден од најдобрите тимови во Италија, кој се наоѓа во процесот на реконструкција и екипата која пред неколку дена беше поразена во Ел Класико“, рекол Капело.
„Бев шокиран од разликата во интензитетот и од вкупните перформанси. Барселона навистина ме импресионираше, можеа да постигнат и осум голови. Видов агресивен тим, видов многу динамика на теренот“, заклучи пензионираниот тренер.