Капитенот Хери Кејн ќе се врати на тренинзи на Тотенхем во петок, доколку има негативен тест на корона вирус, откако заврши неговата петдневна изолација по враќањето од одмор во саботата.
Кејн не ја криеше желбата да замине од Тотенхем и да замине кај англискиот шампион, Манчестер сити, но ги отфрли шпекулациите дека штрајкува за да го примора клубот на продажба.
Ова значи дека Кејн ќе може да игра во првото коло од Премиер лигата, во кое иронично Тотенхем игра против Манчестер сити во недела. Новиот менаџер на Тотенхем, Нуно Еспирито Санто изјави дека сака брза завршница на „сагата“ околу Кејн, додека Пеп Гвардиола призна дека би сакал да го додаде Кејн во тимот, но дека за тоа да се случи, Тотенхем ќе мора да го сакаат тоа.