Поранешниот тренер на Јувентус, Челси, Интер и Тотенхем, Антонио Конте во вторникот се врати во Арецо, градчето во Тоскана каде што ја започна тренерската кариера, порачувајќи со фотографија од стадионот „Амаранто“: „Тука сè започна“
Италијанецот доби признание од градот во вторникот, откако таму првпат стана тренер во 2006 година, по што во октомври беше отпуштен и заменет со Маурицио Сари. Но, на 13 март, претседателот на клубот, Пјеро Манчини го врати во тимот во обид да избегнат испаѓање. Арецо ја почнаа таа сезона во Серија Б со 6 поени казна како еден од клубовите вмешани во скандалот „Калчополи“ и ниту Конте не успеа да ги задржи во втората лига.