Коронавирусот влезе во фудбалскиот клуб Торино. Италијанските медиуми објавија дека осум фудбалери се заразени со вирусот, додека за еден се чекаат резултатите од повторениот тест.
Поради ова целиот тим е во изолација.
Изолацијата треба да трае најмалку седум дена, што значи дека ќе биде одложен натпреварот на Торино и Сасуоло. Овој натпревар на програмата е во петок.
Поради лошата епидемиолошка ситуација, можно е да биде одложен и натпреварот Торино-Лацио, кој ќе се игра наредниот вторник.
Торино, сезонава, се бори за опстанок во Серија А, со 20 бодови „биковите“ се 17. на табелата.