Ернан Креспо по 14 години даде објаснување за славната фотографија во која тој гледа во медалот за освоената титула од Премиер лигата во соблекувалната на Челси во 2005/06.
Аргентинскиот напаѓач беше замислен со медалот во раката, откако со 10 гола во 30 меча помогна Челси да заврши осум поени пред Манчестер јунајтед.
„Фотографијата значи дека многу го ценев тоа што го имав, па се изолирав од лудото славје околу мене, си честитав и ја анализирав работата зад успехот. Го погледнав медалот и помислив: ’Го имаш, какво остварување е ова’. Тоа е целата приказна. Да се подготвиш за нешто и да успееш. Тој успех значеше многу на сите во клубот“, вели Креспо.
Сезоната 2005/06 беше последна за Креспо во Челси, по што тој замина во Интер, каде што играше уште три сезони, пред да ја заврши кариерата со настапи за Џенова и Парма. 44-годишниот Креспо во моментов е тренер на аргентинскиот клуб Дефенса и јустисија.
This photo. ?? pic.twitter.com/vi8iS6m2Gp
— Chelsea FC – #StayHomeSaveLives (@ChelseaFC) April 29, 2020