Новиот претседател на Баерн Минхен и поранешен прв човек на „Адидас“, Херберт Хајнер вели дека неговиот тим не е заинтересиран да направи трансфер на ѕвездата на Јувентус, Кристијано Роналдо, бидејќи тој е „престар за нас“.
Португалецот наполни 35 години оваа недела, но има 22 гола во 27 меча за „бјанконерите“ оваа сезона. Зборувајќи за „ТЗ“ во Германија, Хајнер беше запрашан за шпекулациите дека на лето Баварците ќе тргнат по ЦР7.
„Во весниците се појавуваат многу имиња, тоа е разбирливо бидејќи мора да се пишува нешто. Едноставно, тој е престар за нас“, изјави Хајнер.