Никој не може да го сопре Кристијано Роналдо, вели неговиот соиграч од Јувентус, Дејан Кулушевски, пред дуелот во среда помеѓу Шведска и Португалија.
Во првиот меч во Стокхолм во септември, Роналдо даде два гола за Португалците да стигнат до 2:0 победа.
„Дома беше невозможно да го сопреме, бидејќи никој не го може тоа. Ако има добар ден, тогаш може сам да го реши мечот. Во среда ќе имаме нова шанса и ќе биде забавно да го сретнам пак, бидејќи малку подобро се запознавме“, вели Кулушевски во интервју за шведскиот весник „Афтонбладет“.
Роналдо го пофали Кулушевски: Голем талент кој ќе помогне да победуваме