Челниците на Ла Лига од Фудбалската федерација на Шпанија побарале казна за напаѓачот на Реал Мадрид, Герет Бејл, поради неговите „провокативни гестикулации“ на дербито со Атлетико.
Реал победи кај градскиот ривал 3:1, а спорен е начинот на кој што Бејл го прослави голот што го постигна во 74 минута.
На провокациите од трибините Бејл непристојно гестикулираше со рацете, поради што челниците на Ла Лига побарале да биде покрената дисциплинска постапка.
Инаку, Бејл ги губи позициите што ги има во клубот, доказ за тоа е анкетата на „АС“ во која 54 отсто од читателите гласале дека тој не траба да е во стартниот состав.
Бејл против Атлетико влезе во игра во 57 минута, во 74 минута го постигна својот 12 гол во сезоната, а по завршувањето на натпреварот не им се приклучил на соиграчите во прославата на победата, туку веднаш заминал во соблекувалната.
https://twitter.com/rfromhome/status/1094576996309495808