Фудбалерите на Лацио ја победија Парма со 1:0 во 15-то коло од Серија А.
Ова беше натпревар во кој беа видени два црвени картони за тимот на Лацио. Гостите од Рим останаа со играч помалку во финишот на првиот дел.
Во 42-та минута, Матија Закањи доби црвен картон, а во 78-та минута, Тома Башиќ, исто така беше исклучен.
И со деветмина на теренот, Лацио покажа карактер и успеа да победи во Парма. Голот за победа го постигна Нослин во 82-та минута.
Лацио со оваа победа скокна на осмото место со 22 бода, додека Парма е 17-та со 14 поени.