Капитенот на кипарскиот клуб АЕК Ларнака, Иван Тричковски имаше три асистенции за да помогне неговиот клуб да стигне до 3:0 победа над незгодниот словачки Тренчин и да се пласира во групната фаза на Лига Европа.
Тричковски, кој претходно постигна пет голови во претходните две рунди на квалификации, овојпат беше во улогата на асистент на двата гола на Џану и на тој на Акоран за убедлива победа.
Претходно, шкотскиот гигант Глазгов Ренџерс во цврст натпревар успеа да одигра 1:1 со девет играчи на теренот на Уфа во Русија, за Стивен Џерард да го направи првиот успех како тренер на шкотскиот клуб.
ЛИГА ЕВРОПА, БАРАЖ, 2.НАТПРЕВАР
Астана (Каз) – АПОЕЛ (Кип) 1:0, 2:1 пенали, прв натпревар 0:1, вкупно 1:1
Уфа (Рус) – Глазгов Ренџерс (Шко) 1:1, прв натпревар 0:1, вкупно 1:3
АЕК Ларнака (Кип) – Тренчин (Свк) 3:0, прв натпревар 1:1, вкупно 4:1