Никола Секулов член на У-19 тимот на Јувентус дома го однесе дресот во кој Кристијано Роналдо синоќа постигна два гола против Лацио.
Португалецот го совлада Страхоша во 51 минута од пенал и во 54 минута и го донесе Јувентус на чекор до шампионската титула.
По мечот Роналдо му го подарил својот дрес на Секулов, имале краток разговор, а младиот фудбалер својата неизмерна среќа ја споделил на социјалните мрежи.
Секулов има македонско потекло, роден е во Пјаченца на 18 февруари 2002 година. Има настапи за У-15 и У-16 репрезентации на Македонија, а потоа се решил да игра за Италија.
