Легендата на Милан, а сега спортски директор, Паоло Малдини признава дека Интер се подобри оваа сезона и дека поразот во полуфиналето во ЛШ боли, но додава дека „овој тим не изграден за две натпреварувања и сопствениците на клубот го знаат тоа“.
По разочарувачките 0:2 во првиот меч, Милан беа подобри во второт меч како гости, но повторно загубија со 1:0 за четврт пораз во пет градски дербија оваа сезона.
„Сезоната не е завршена, бидејќи мораме да се обидеме да се квалификуваме во топ 4 во Серија А и ќе видиме што ќе се случи со Јувеентус. Полуфиналето беше голем успех за нас, кој беше неочекуван, но кога ќе загубиш од Интер, поразот боли повеќе. Можеби начинот на кој игра Интер ни креира проблеми, но во последните недели губиме и против тимови кои искрено се послаби. И лани кажав дека не сме изграден тим за два турнири, посебно за Лигата на шампиони. Тоа го кажавме насекаде, но и сопствениците на клубот го знаат тоа. Патот почна пред четири години, имаме добри економски и спортски резултати, основа на млад тим, но и недостаток на искуство. Ако влеземе во Лигата на шампиони, тогаш ова ќе биде добра сезона“, објаснува Малдини.