Видеото што се појави на социјалните мрежи, на кое се слуша и гледа како играчите на Манчестер сити ја пеат изменетата верзија на песната на Ливерпул „Але, але, але“, крена многу „прашина“ во јавноста, поради што се реакција мораа да се огласат од Манчестер сити.
Од клубот демантираат дека песната е навредлива за жртвите од Хилсброу и Шок Кокс, навивач на Ливерпул кој минатата година беше тешко повреден од навивачи на Рома.
Песната играчите на Манчестер сити ја пееле во авионот со кој од Брајтон се враќале во Манчестер.
Во верзијата што ја пејат играчите на англискиот шампион се споменуваат навивачите на Ливерпул што „плачат на трибините и по улиците“ и кои се „жртви“.
„Песната за која сега многу се зборува можеше да се слушне во текот на целата сезона на трибините и се однесува на финалето на Лигата на шампионите од минатата сезона во Киев. Било какви сугестии дека песната се однесува на жртвите на Хилсброу или на Шок Кокс се без основ“, рекол портпаролот на Манчестер сити.
https://twitter.com/YourMCFC/status/1128273265603039232
Текстот е навистина „интересен“:
„На пат до Киев, за да бидат поразени,
Плачеа на трибините, и беа утепани на улиците,
Компани го повреди Салах, жртви на сите,
Стерлинг освои двојна титула, ’скаузерите’ освоија ништо“.
( ‘All the way to Kiev, To end up in defeat, Crying in the stands, And battered on the streets, Kompany injured Salah, Victims of it all, Sterling won the double, The Scousers won f*** all, Allez, allez, allez.’)