Ветеранот Марио Гомез постигна два гола за да ја продолжи одличната низа на Штутгарт со гостинска победа од 1:2 над Фрајбург.
Гомез уште во четвртата минута на „Шварцвалд“ стадионот ја замолчи домашната публика, откако по слободниот удар на Денис Аого беше највисок во шестнаесетникот на домаќините. Фрајбург успеа да израмни во 53. минута преку Нилс Петерсен, пред во 75. минута, Гомез најдобро се снајде во шестнаесетникот за 11 победа на Штутгарт оваа сезона во Бундеслигата.
Штутгарт немаат пораз во осум првенствени дуели и се искачија на осмото место пред комплетирањето на 27. коло. Фрајбург останува на 14. место со 30 поени, само пет над зоната за испаѓање.
Фото: ЕПА