Директорот на Интер, Бепе Марота вели дека во клубот се надеваат дека ќе успеат да го продадат Мауро Икарди пред понеделничкиот крај на преодниот рок, посочувајќи дека неговиот најдобар играч оваа сезона е тренерот Антонио Конте.
Интер му даваат на Конте околу 10 милиони евра по сезона, но Марота вели дека тој значи повеќе од било кое засилување.
„Не знам колку е влијателен тренерот, но знам дека на ова ниво, мора да имате голем тренер од човечка перспектива. Ние сме задоволни да пропуштиме да купиме некој фудбалер за да ја исплатиме неговата плата. Тој е најдобриот играч на Интер. Не чини 20 милиони евра, но вреди повеќе од фудбалер од 20 милиони. Околу Икарди, клубот има право да си го постави ставот. Ние секогаш ги почитуваме фудбалерите, но тоа не е взаемно. Има уште три дена, но се надевам дека ќе има разрешница. Не можеме да ги кажуваме работите јавно, но одговорноста секогаш ја носиме ние“, вели Марота во интервју за „Тутомеркато“.