Бразилскиот дефанзивец Марсело вели дека не сака да направи трансфер во Јувентус кај Кристијано Роналдо, додавајќи дека тој е целосно посветен на Реал Мадрид.
Веднаш по објавувањето на трансферот на Кристијано Роналдо во Јувентус се појавија вести дека и Бразилецот сака да му се приклучи, но сега тој вели дека за него има само еден клуб.
„Не е точно дека сакам да заминам од Мадрид, ниту дека сум имал понуди. Од мене нема поголем мадридиста“, јасно порача Марсело по мечот од ЛШ против Викторија.
30-годишниот Марсело е во Реал од далечната 2007 година, откако дојде директно од бразилскиот Флуминенсе.
Фото: ЕПА