Јужнокорејската фудбалска репрезентација мораше да се справи со незгоден момент, кога мал дел од навивачите ги пречекаа со фрлање јајца на аеродромот во Инчеон.
Јужна Кореја испадна по двата порази во првите два меча на Мундијалот, по што во последниот меч ја шокираа Германија со 2:0 и ја исфрлија од шампионатот. Оваа херојска победа не беше доволна откако дел од 500-те фанови ги пречекаа со јајца.
„Не сакавме да си дојдеме до јули и разочарувачки е толку рано да сме повторно во Кореја. Им благодарам на сите фанови“, изјави селекторот Шин Тае-Јонг.
Сон Хеунг-Мин, ѕвездата на Тотенхем, кој постигна два гола во Русија, за малку ќе беше погоден со јајце, но потоа им се заблагодари на фановите.
„Благодарам на сите кои дојдовте, и жалам за нашите фанови што не го исполнивме ветувањето да влеземе во осминафиналето“, изјави Сон.