Паоло Малдини и Милан се толку импресионирани од формата и од однесувањето на францускиот бек Тео Ернандез што ќе му дадат значително зголемување на платата со новиот договор со „росонерите“.
24-годишниот Ернандез стана еден од клучните играчи во тимот на Стефано Пиоли, и уште останува на ветувањето кое му го даде на Малдини дека сака да биде „историска личност“ со Милан и да ја освои Лигата на шампионите во иднина.
Според „Калчомеркато“, со новиот договор неговата плата ќе скокне од 1.5 милиони евра на 4 милиони евра, односно 5 ако ги исполни сите услови, а ќе трае до 2026 или 2027. Во Милан исто така се импресионирани од неговото однесување и лојалноста, бидејќи тој не инсистирал на зголемување на платата.
Французинот има 22 настапи досега оваа сезона за вкупно над 1.800 минути на теренот, во кои постигна четири гола и имаше пет асистенции.
#Milan, tutta la verità sul rinnovo di Theo #Hernandez: la promessa fatta a #Maldini, le tre super richieste e il nuovo ingaggio https://t.co/37fnMMRghD pic.twitter.com/RRJgZ79ayg
— calciomercato.com (@cmdotcom) January 11, 2022