Милан се заинтересирани да го добијат Португалецот Диого Далот на постојан трансфер од Манчестер јунајтед, тврди „Калчомеркато“.
Десниот бек дојде кај „росонерите“ во текот на летото како позајмен фудбалер без можност за откуп на неговиот договор, но со клаузула дека на крајот на сезоната можат повторно да разговараат за неговата иднина.
Оле Гунар Солскјер бил подготвен да се откаже од 21-годишниот Далот, бидејќи на таа позиција го има Арон Ван-Бисака и сака дасе засили со Киеран Трипиер, но за Милан тој ќе стане приоритет откако ќе се обезбедат иднините на Џиџио Донарума и Хкан Чалханоглу.
Далот има еден гол и 2 асистенции во 11 меча во сите натпреварувања со „росонерите“.