Барселона очигледно има сè подготвено за Филип Кутињо да пристигне во Каталонија, откако нивниот партнер „Најк“ го потврди трансферот на Бразилецот во саботата навечер на својот веб-сајт, за веднаш потоа да ја избрише пораката.
„Филип Кутињо е подготвен да го запали ’Камп Ноу’. Набавете си го вашиот дрес на Барселона за 2017/18 со името на ’магионичарот’ на него. Бесплатна персонализација до 6 јануари“, стоеше на веб-сајтот на онлајн продавницата на „Најк“.
Американската компанија потоа ја избриша страницата и останува да се види дали се работело за ненамерна грешка или за хакерски напад.
Кутињо е долорочна желба на Каталонците, кои понудија 115 милиони фунти во текот на летото за Бразилецот, но Ливерпул ја одби понудата, иако се верува дека и во јануари ќе следува нов обид. Покрај Барселона, за Кутињо се заинтересирани и Пари Сен-Жермен, а сега неочекувано се појавија шпекулации дека и Манчестер јунајтед се подготвени да дадат големи пари. Останува да се види што од ова ќе се случи.
HOLY SHIT NIKE CONFIRMED COUTINHO TO BARCELONA ON THEIR SITE https://t.co/4ZnI7kpLE2 pic.twitter.com/2iTrZuMonu
— Danny Rai (@R9Rai) December 31, 2017