Калчолигашот Наполи покажува сериозен интерес за десниот бек на Атлетико Мадрид, Шиме Врсаљко, кого ќе се обиде да го донесе во јануарскиот преоден рок.
Лидерот во Серија А по повредата на Фуази Гулам остана без соодветно решенија на левата бековска позиција. Гулам на натпреварот во Лигата на шампионите против Манчестер Сити (2:4) ги скина лигаментите на коленото.
Тренерот Маурицио Сари смета дека Врсаљко може да биде едеално решение за левата страна во одбраната, бидејќи долго време во хрватската рперезентација играше на таа позиција.
Плус за Врсаљко е и неговото искуство кое го има во Серија А, бидејќи во минатото настапуваше за Џенова и Сасуоло откаде се пресели во Атлетико.
Шпанските медиуми откриваат дека тренерот на „јорганџиите“ Диего Симеоне би бил подготвен да го продаде Хрватот но не за сума помала од 18 милиони евра.