Наполи со посебно соопштение сакаше да ги побие сите шпекулации дека му подготвуваат отказ на Џенаро Гатузо, посочувајќи дека претседателот Аурелио де Лаурентис ја потврдил „целосната доверба“ во тренерот.
Ова доаѓа откако повеќе италијански медиуми јавија дека Де Лаурентис се „свртел“ против Гатузо и барал отказ за тренерот и за спортскиот директор Кристијано Џунтоли со можно враќање на Рафаел Бенитез на клупата, откако Шпанецот се врати од Кина.
„Претседателот Аурелио де Лаурентис со потпретседателот Едоардо и директорот Андреа Кјавели се сретнаа со тимот и со тренерскиот тим, потврдувајќи ја целосната доверба во тренерот Рино Гатузо“, стои во објавата на италијанскиот клуб.
Наполи утревечер игра со Специја во четврт-финалето на Копа Италија.
Il presidente Aurelio De Laurentiis con il Vice Presidente Edoardo e l’amministratore delegato Andrea Chiavelli, ha incontrato questa sera la squadra e lo staff tecnico confermando la piena fiducia all’allenatore Rino Gattuso.
— Official SSC Napoli (@sscnapoli) January 27, 2021