Двете средби што се одиграа попладнево во Серија А завршија со идентичен резултат 1:1. Сасуоло освои бод во Џенова, а Фиорентина кај Удинезе.
Џенова спаси бод против Сасуоло, откако гостите преку српскиот интернационалец Ѓуричиќ први постигнаа гол во 28 минута. Израмни Санабрија во 41 минута. Парагваецот кој пред неколку дена пристигна како позајмен играч од Бетис, на дебито постигна гол.
Горан Пандев на овој меч доби три минути. Тој во игра влезе во 87 минута на местото на стрелецот на голот Санабрија.
Мечот во Удине помеѓу Удинезе и Фиорентина беше решен во интервал од десет минути, во второто полувреме. Најпрвин Ларсен во 56 минута погоди за домашниот тим, а израмни десет минути подоцна Фернандез.