Репрезентациите на Австралија и Саудиска Арабија одиграа натпревар без голови, во квалификациите за пласман на Светското првенство во Катар.
Натпреварот донесе возбудувања само во второто полувреме. Австралија в периодот од 60. до 70.минута не реализираше четири добри шанси, додека Саудијците два пати сериозно се заканија во последните пет минути.
Подоцна ќе се одиграат дуелите Виетнам-Јапонија и Кина-Оман.
На табелата во Б-групата, води Саудска Арабија со 13 бода, три повеќе од Австралија.
Пласман на СП ќе изборат по две репрезентации од А и Б групата, додека трето пласираните ќе играат дополнителен натпревар за пласман во интерконтиненталниот бараж.