Пјер-Емерик Обамејанг одговори на твитот на англискиот новинар и водител Пирс Морган, кој повторно изрази жалење што габонскиот напаѓач си замина од Арсенал, неговиот омилен клуб.
По сагата во јануари, Обамејанг има фантастичен старт на кариерата во Барселона со 6 гола во 9 меча, од кои 5 во Ла лига. Но, и на Арсенал не им оди лошо, тие се на четвртото место во Премиерлигата со пет победи во низа, но Морган не е задоволен.
„Фановите на Арсенал последните два часа ликуваа зошто сме многу подобри без Обамејанг и колку се задоволни што тој си замина. Во исто време, тој го постигна шестиот гол во девет меча во Барселона. Ми недостасуваш Ауба“, напиша Морган на Твитер.
32-годишниот Обамејанг врати со порака.
„Благодарам, Пирс, но понекогаш секому е подобро по разделба и најважно е што сите се среќни сега. И имавме добри моменти кои нема да ги заборавам“, одговори Обамејанг.
Thanks Piers but Sometimes everyone benefits from a separation most important is that everyone is happy now
And we had good times that I will don’t forget ???— AUBA⚡️ (@Auba) March 14, 2022