Фудбалерот на Јувентус, Леонардо Бонучи е заразен со коронавирусот по враќањето од репрезентативните настапи, соопшти денеска клубот од Торино.
Бонучи е тестиран и моментно се наоѓа во домашна изолација. На почетокот на неделава беше соопштено дека четворица италијански репрезентативци се позитивни на Ковид 19.
Бонучи е вториот фудбалер кај „Старата дама“ кој е позитивен на опасниот вирус. Заразен во текот на настапите на турската фудбалска репрезентација е и дефанзивецот Мерих Демирел.
Јувентус во моментов има 55 бода и е на третата позиција на табелата, зад миланското дуо – Интер и Милан.
Бонучи во карантин ќе биде најмалку две недели, па во Серија А ќе ги пропушти дуелите против Торино, Наполи и Џенова.
COVID 19 – Giocatore positivo: https://t.co/srpgKdHkV4 pic.twitter.com/EjPcyjCdFs
— JuventusFC (@juventusfc) April 1, 2021