Грчкиот шампион Олимпијакос доби казна од три поени и два меча без публика по нередите на навивачите по крајот на 2:1 поразот од АЕК Атина, објави грчката Супер лига.
Дисциплинската комисија го казни Олимпијакос 90.000 евра за влегувањето на терен на 4 февруари, при кое стотина навивачи се бореа со полицијата, а беа фрлани и факли на теренот.
Поените можат скапо да го чинат Олимпијакос, бидејќи во моментов се на третото место со 40 поени, седум помалку од лидерите АЕК. Играчите мораа да избегаат од стадионот „Јоргос Караискакис“ откако навивачите не можеа да се помират со поразот.
Ова не е прв случај на насилство во грчката лига, откако минатата сезона слично беа казнети Панатинаикос и ПАОК по слични инциденти со навивачите.
Навивачите на Олимпијакос ги нападнале играчите на АЕК (Видео)