Кристијано Роналдо ја доби својата петта „Златна топка“ во својата кариера, комплетирајќи ги неверојатните две години во својата кариера и израмнувајќи се со својот вечен ривал Лионел Меси.
Ѕвездата на Реал Мадрид веќе беше носител на „Балон д’ор“, наградата која ја доделува „Франс фудбал“ во 2008, 2013, 2014 и 2016 година, но овој трофеј е посебно „сладок“ бидејќи се израмнува со бројот на трофеи со Меси.
„Секако дека сум среќен и го чекам ова секоја година. Трофеите кои ги освоивме минатата сезона ми помогнаа да ја добијам наградата, и затоа се заблагодарувам на сите колеги од Реал Мадрид, како и на сите други кои ми помогнаа да дојдам до ова ниво“, изјави Роналдо на врвот на Ајфеловата кула.
Cristiano Ronaldo Ballon d’Or @francefootball 2017 ! #BallondOr pic.twitter.com/XbPS7anVRL
— France Football (@francefootball) December 7, 2017
„Трката“ со Меси посебно го инспирираше Португалецот, кој своите најголеми успеси ги направи во последните пет години. Во 2012 година, Меси го освои својот четврти трофеј, додека Роналдо имаше само еден кај себе.
Човекот кој секогаш сака да биде прв во било што, сега може да се смета за израмнет со Меси – покрај „златните топки“, двајцата имаат четири „златни копачки“ за најдобри стрелци, по една награда на ФИФА за најдобар играч на сезоната и по четири титули од Лигата на шампионите.
Нееднаквоста е само очигледна во трофеите во Ла лига, каде што Меси има повеќе трофеи (8-2), меѓутоа Португалецот има и три трофеи од англиската Премиер лига. Роналдо исто така има Европско првенство со Португалија, додека Меси нема трофеј со аргентинската репрезентација.
Затоа, токму Светското првенство во Русија може да биде клучно. Да видиме кој ќе биде најдобри таму?
ТОП 30 НАЈДОБРИ ИГРАЧИ СПОРЕД ФРАНС ФУДБАЛ
1.Кристијано Роналдо
2.Лионел Меси
3.Нејмар
4.Џанлуиџи Буфон
5.Лука Модриќ
6.Серхио Рамос
7.Килијан Мбапе
8.Н’Голо Канте
9.Роберт Левандовски
10.Хери Кејн
11.Единсон Кавани
12.Иско
13.Луис Суарез
14.Кевин де Бројне
15.Пауло Дибала
16.Марсело
17.Тони Крос
18.Антоан Гризман
19.Еден Азар
20.Давид де Хеа
21.Леонардо Бонучи
21.Пјер-Емерик Обамејанг
23.Садио Мане
24.Радамел Фалкао
25.Карим Бензема
26.Јан Облак
27.Матс Хумелс
28.Един Џеко
29.Дрис Мертенс
29.Филип Кутињо