Стефано Пиоли ги предупреди фановите и фудбалерите на Милан дека работата не е завршена и дека нема потреба од славеничка атмосфера додека клубот не обезбеди место во Лигата на шампионите првпат по една деценија.
Со 0:3 победата на гости кај Јувентус, Милан се на третото место во Серија А, со три поени предност пред ривалите од Торино на петтото место. Пред утрешниот меч со Торино, тој бара да се заддржи концентрацијата.
„Мораме да останеме смирени. Како што не ги загубивме нервите по поразот од Лацио, нема да бидеме попречени од победата над Јуве. Фокусирани сме, ова е клучен натпревар и потребни ни се поени. Победивме над нашиот историски противник, имаме верба, но свесни сме дека ништо не сме завршиле. Додека не обезбедиме место во ЛШ, нема потреба за славење“, вели Пиоли.
Тој потврди дека Златан Ибрахимовиќ нема да игра следните два меча, но се надева дека ќе го има во составот за последниот меч од сезоната против Аталанта.