Филипо Пипо Инзаги признава дека утрешната пресметка на неговиот Беневенто со стариот клуб Милан ќе биде емотивен за него, посебно ако се знае дека тој е легенда на „росонерите“.
„Малку наликува на мечевите против Лацио, кога бев против мојот брат Симоне. Тоа е тешко на човечко ниво, на емотивно ниво и тешко се објаснува. Сите знаат колку го сакам Милан и мислам дека чувството е взаемно со фановите на ‘росонерите’. Но, овојпат, ќе мора да бидеме ривали 90 минути, по што ќе можам да се вратам и да бидам прв фан на Милан. Им кажав на моите фудбалери да уживаат во ваквите шанси, бидејќи пред една година бевме во Серија Б, а сега играме со лидерите во Серија А, желни за нов успех по освоениот поен кај Лацио и Јувентус“, вели Инзаги.