Поранешниот капитен на Наполи, Лоренцо Инсиње сака да го напушти Торонто ова лето и да го искористи интересот за трансфер во Саудиска Арабија, тврди „Калчомеркато“.
32-годишниот Инсиње имаше одлична прва сезона во МЛС лигата, со 6 гола и 2 асистенции во првите 11 меча, но оваа сезона, тој има само 4 гола во 15 настапи и според италијанските медиуми не е среќен со животот во Канада и веќе го сменил својот агент во обид да дојде до трансфер.
Неговиот сонародник и тимски колега, Федерико Бернардески, исто така не се снајде најдобро во МЛС лигата и би сакал во летниот преоден рок да се врати во Италија.
#TorontoFC, la stagione è un #flop: #Insigne e #Bernardeschi verso l'addio, tra #SerieA e piste arabe https://t.co/OSTLbFkOY9 pic.twitter.com/oDgg68duoS
— calciomercato.com (@cmdotcom) July 17, 2023