Пари Сен-Жермен, по малку конфузија со ждрепката на УЕФА, го доби можеби најтешкиот можен противник во осминафиналето на Лигата на шампионите, мега-двомечот со Реал Мадрид, но нивниот тренер Маурисио Почетино вели дека ПСЖ се доволно моќни да совладаат било кого на патот до титулата, која толку ја посакуваат.
Иако во минатото беше поврзуван со трансфер токму во Реал Мадрид, сега Почетино ќе мора да ја темпира формата на неговиот клуб да биде на највисоко ниво во февруари.
„Ќе биде тешко, бидејќи тие се клуб со супер тренер и со супер играчи. Ќе играме со Реал Мадрид, клуб кој е навикнат да освојува Лига на шампиони и со многу историја и искуство. Ждрепката сигурно не е лесна. Мечевите се во февруари, така што сегашната форма нема да значи многу, и најважно ќе биде да бидеме на врвот во февруари. Мораме да имаме доверба, бидејќи имаме голем тим со фантастични фудбалери и имаме доволно сила да победиме било кого. Тоа секогаш е целта на Пари Сен-Жермен“, вели Почетино.