Играчот на Манчестер јунајтед, Пол Погба признава дека би сакал да игра на иста страна со ѕвездата на Пари Сен-Жермен, Нејмар, откако претходно Бразилецот му упати неколку комплименти.
Уште во 2016 година, додека беше во Барселона (а Погба во Јувентус), Нејмар изјави дека Французинот би се вклопил во играта на Барселона, а сега, по тешката сезона под Жозе Мурињо, Погба го врати комплиментот.
„Се сеќавам што кажа. Мене исто така многу ми се допаѓа неговата игра. Тој е дефиниција на радост на теренот. Знам дека во Бразил фудбалот е сè. Тоа е животот. Кога ќе го видам како игра фудбалот, со таа техника, со таа подвижност. Има сосема уникатен стил. Кога ќе кажете Нејмар насекаде на светот сите знаат кој е и што прави. Би било задоволство да играм со него еден ден“, вели Погба во интервју за аргетинскиот ТВ канал „ТиЦ спортс“.
25-годишниот Погба беше најскапиот фудбалер на светот пред трансферот на Нејмар од Барселона во ПСЖ за 222 милиони евра.