Top Sport

Погба купи шампионски прстени за цела француска репрезентација

Пол Погба им купи на своите соиграчи од француската репрезентација шампионски прстени во стилот на тие кои ги добиваат шампионите во САД за да се одбележи успехот од Русија минатото лето.

Французите ја освоија втората светска титула во 2018 победувајќи ја Хрватска со 4:2 во финалето на „Лужники“ во Москва, меч во кој Погба постигна еден гол. Погба им ги претстави шампионските прстени, кои имаат традиција во НБА, НФЛ и НХЛ лигите при собирот на француската репрезентација. Тие се изработени од „Џејсон“ во Беверли Хилс, САД.

„Тоа беше мал гест по освојувањето на светската титула со големи фудбалери. Тие се мое семејство и ова е мал подарок од мене. Прстенот можат да го загубат, но светската титула никогаш“, вели Погба.

Scroll to Top