Ѕвездата на Манчестер јунајтед, Пол Погба се врати во Англија, нешто што 24-годишниот Французин го прослави со видео објавено на својот Инстаграм профил.
Французинот го повреди бутниот мускул на мечот со Базел на 12 септември, по што беше на рехабилитација во Мајами, каде што уживаше во потопла клима од студениот Манчестер.
Неговиот пријател и клупски колега Џеси Лингард го снимаше Погба како прославува на сличен начин како Лингард. Жозе Мурињо остана тивок на прашањата кога ќе се врати Погба.
„Не знам кога ќе игра. Ако кажам нешто потоа ќе ми кажувате дека ве лажам“, изјави неодамна Мурињо.