Пол Погба вели дека главната причина за релативниот неуспех во Манчестер јунајтед е големиот број на различни тренери под кои играл, и вели дека е среќен што, конечно, е „дома“ во Јувентус.
Погба си замина од Јувентус за да се врати во Јунајтед, клубот од чија академија произлезе за рекордни 105 милиони евра во 2016, но во шест сезони на „Олд Трафорд“ не успеа да блесне и сега се врати во Торино како слободен играч.
„Среќен сум со изборот кој го направив во животот. Понекогаш, изборот не оди како што посакуваш, но среќен сум со годините во Манчестер. Пораснав, научив, станав човек. Кога постојано се менуваат тренери тешко е да играш. Потоа имаше и неколку повреди, но сигурно беше и ментална работа. Имаше по малку од повеќе работи – тренери, тимот, позиција. Тоа ме блокираше. Сега, ќе видите друг Пол. Можам да бидам многу подобар. Среќен сум што сум дома, бидејќи така се чувствувам. Имаше и други тимови, но моето срце го избра Јувентус“, вели Погба на прес-конференција во Торино.
Paul Pogba has spoken to the media for the first time since re-joining Juventus
"I don't think United was a mistake." ?#MUNLIV pic.twitter.com/AkfuPBQz96— Being Pat (@BeingGuda) July 12, 2022